To omleggingar i retning meir revolusjonær praksis

Godt nytt og alt det der. Skal blogge om brann og snille folk, kor viktig nettverk er og at me er sosiale dyr og sånn seinere. No vil eg berre skryte av at eg har tatt to viktige steg i retning meir revolusjonær danning og praksis. *Spelar ein liten bit av Valdresmarsjen som fanfare*

1) Revolusjonær programvare

Den nye kompjuterdyret kjem rett frå Offisiell HeidersGNU og Sjefsdatakonsulent Brotulix. Difor er dyret sjølvsagt kjemisk fritt for alt svineri frå Bill Gates. Som alle veit er all programvare frå Gates utvikla av kidnappa nerdar som sit lenka i kjellaren på mulitimillondollarvillaen hans, og ikkje får anna å ete enn kokain. Og Open Kjeldekode (OK) er, som Tøgrim har lært oss, fysste steget mot eit eit stats- og klasselaust samfunn kor ein kan være fiskar om morgonen, bonde om dagen og nerd heile tida.

2) Revolusjonær målform

Den observante lesar har og fått med seg at eg no skriv på ei anna målform enn tidligare. Det kjem eg til å halda fram med. I alle fall no og då. Fordi:

• Nynorsk kling betre enn bokmål. Eg veit at nynorskarar ikkje likar folk som seier slikt, at dei himlar med auga og brekk seg over folk som seier at “nynorsk er så fint i dikt”, men det er no ein gong sant. Dessutan likar eg ikkje nynorskarar som ikkje likar folk som seier at nynorsk kling betre enn bokmål, og er berre glad for å kunna provosera dei.
• Solveig Aareskjold, Kjartan Fløgstad, Are Kalvø, Olaug Nilsen, Jørgen Strickert, Ingrid Fiskaa, Magnus Marsdal, Jon Fosse og Berge Furre skriv nynorsk. Mest alle smarte og kule folk skriv nynorsk. Alle skal vere like kule og smarte, elles vert det urettferdig. Eg vil i alle fall ikkje ha eit samfunn der ei målform er kulare enn den andre, berre fordi berre smarte og kule folk brukar ho. Så difor har eg tenkt å byrja å bruka henne.
• Eg vil gjerne vere underfundig og tørvittig, og det funkar ikkje på bokmål. Det vert ikkje tørt nok, rett og slett. Ein kan væra sarkastisk og ironisk på bokmål, men ikkje tørvittig eller underfundig. (Nei. Erlend Loe er ikkje underfundig og tørvittig. Han er teit og barnsleg. Det er noko anna.)
• Christin Clemet, Vetle Lid Larsen, Jens Stoltenberg, Ketil Rolness, Aslak Nore, Mads Larsen, Torbjørn Rød Isaksen, Trygve Hegnar, Are Slettan og Thomas Hylland Eriksen skriv bokmål. Heile Norsk Reaksjonær Dimlingklubb (NRD) skriv altså bokmål. Greit at eg ikkje er kul og smart, men eg kan i det minste slutta å skriva på målforma åt dimlingane. I alle fall innimellom. (Jon Hustad og Nils Rune Langeland skriv nynorsk. Ja, eg veit det. Nesten heile NRD, då.)

Nokre av dykk vil kan hende innvende at eg ikkje kan skriva nynorsk, og det er ei god innvending, men eg kjem ikkje til å bry meg om ho.

 

Måtte alle få eit godt år og ei fotsid taske:

Farsan